ساعة المنتدى
بحـث
 
 

نتائج البحث
 


Rechercher بحث متقدم

المواضيع الأخيرة
» حصريا : شرح طريقة ازالة الحظر عن الاصدقاء فى الفيس بوك | شاعر الحرية
الثلاثاء يناير 01, 2013 12:01 pm من طرف ahmed fathy

» جديد | قصيدة ديل حصان من ديوان ( دارت الدايرة ) لخالد الجمال | شاعر الحرية
الأربعاء ديسمبر 19, 2012 6:01 pm من طرف ahmed fathy

» جديد : عمر كمال يطرح البومه الجديد كلام ميهمنيش | شاعر الحرية
الثلاثاء ديسمبر 18, 2012 11:52 am من طرف ahmed fathy

» انت ذاتك السجان | شاعر الحرية
الأربعاء ديسمبر 12, 2012 12:41 am من طرف ahmed fathy

» فاتنة العرب | شاعر الحرية
الأحد ديسمبر 02, 2012 2:33 pm من طرف ahmed fathy

» أحبك | شاعر الحرية
الأحد ديسمبر 02, 2012 2:29 pm من طرف ahmed fathy

»  بوكيه ورود
الأحد ديسمبر 02, 2012 10:41 am من طرف ahmed fathy

» سكوت | شاعرالحرية
الأحد ديسمبر 02, 2012 10:38 am من طرف ahmed fathy

» نفسى نروح السيما | عامىة
الأحد ديسمبر 02, 2012 10:35 am من طرف ahmed fathy

» حـــصــرياً.... كتاب يوميات بنوتة لــ باكينام اسماعيل اون لاين | شاعر الحرية
السبت نوفمبر 24, 2012 10:32 pm من طرف ahmed fathy

» بالصور جولة داخل جاليرى الطاهرة عمارى | شاعر الحرية
الأربعاء نوفمبر 07, 2012 6:32 pm من طرف ahmed fathy

» كوداعلانات جديد بلغة html | شاعر الحرية
الأربعاء نوفمبر 07, 2012 1:18 pm من طرف ahmed fathy

» عدد اكتوبر جريدة سواسية | شاعر الحرية
الإثنين نوفمبر 05, 2012 11:33 pm من طرف ahmed fathy

» العدد الجديد جريدة البداية المصرية -السويس | شاعر الحرية
الإثنين نوفمبر 05, 2012 9:18 pm من طرف ahmed fathy

» احنا معندناش عروسة باكينام اسماعيل
الأحد نوفمبر 04, 2012 6:42 pm من طرف ahmed fathy

صفحتى على الفيس بوك
Ahmed Fathy

إنشاء شارتك الخاصة
facebook
صفحات شاعر الحرية
شــاعر الــحــرية

احصائيات
هذا المنتدى يتوفر على 16 عُضو.
آخر عُضو مُسجل هو عبد الهادي لبيتي فمرحباً به.

أعضاؤنا قدموا 135 مساهمة في هذا المنتدى في 130 موضوع
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 73 بتاريخ الإثنين يوليو 02, 2012 9:30 pm
تدفق ال RSS


Yahoo! 
MSN 
AOL 
Netvibes 
Bloglines 


مساحة اعلانية 1

حملة قًطع ايدك .. تغزو الفيس بوك |شاعر الحرية

اذهب الى الأسفل

حملة قًطع ايدك .. تغزو الفيس بوك |شاعر الحرية

مُساهمة من طرف ahmed fathy في الخميس أغسطس 23, 2012 12:45 am

العيد فرحة بس مش لكل الناس ده حال كل عيد فى مصر بتزيد حالات التحرش بالفتايات السافرات والمنتقبات والمختمرات يعنى مش سايبين حاجة خالص واللى يفرسك فى الموضوع ان تلاقى الضحية واحدة قد امك او امى او ام العيل اللى بيتحرش بيها ولبسها محترم جدا على فكرة ولما تسأل ابن ال(.....) ليه يقولك لبسها استفزنى .
ولا كمان تلاقى واحد بيقولك طالما المرأة بتنادى بالحرية انا كمان عندى حرية انى ممكن امشى فى الشارع بالبوكسر (لا مؤاخذة)ما هو اصل ده جسمى وانا حر فيه احب اقولك ده عند امك .

انت عارف انك كحيوان (متحرش يعنى ) بتسبب للبنت اللى تحرشت بيها فى حالة نفسية ممكن توصل لحد العقدة وكل ده بسبب حيوان ذيك مش قادر يتمالك اعصابه (اعصاب مين بلا قرف .
انت عارف انك ممكن تتحرش بواحدة فى مكان وانت مش واخد بالك وممكن تطلع اختك او امك او واحدة انتى بتحبها هيكون ايه رد فعلك ساعتها .

استرجل واحميها ..... بدل ما تتحرش بيها
شدتنى جدا مقالة على الفيس بعنوان موقع إباحي كتباه شرين ثابت مؤسسة حملة قطع ايدك
اسيبكم مع المقالة



ﻗﺮﺭﺕ ﺃﺣﺮّﺽ ﻛﻞ ﺻﺎﺣﺒﺎﺗﻲ ﺍﻧﻨﺎ ﻧﻜﺘﺐ ﺑﻤﻨﺘﻬﻰ ﺍﻟﺼﺮﺍﺣﺔ ﻭﺍﻟﻮﺿﻮﺡ ﻋﻦ ﻳﻮﻣﻴﺎﺕ ﺍﻟﺒﻨﺖ ﻓﻲ ﺷﻮﺍﺭﻉ ﻣﺼﺮ ﻭﻣﻊ ﺍﻟﻤﺘﺤﺮّﺵ ﺍﻟﻤﺼﺮﻱ. ﻗﺮﺭﺕ ﺃﺣﺎﻭﻝ ﺃﻗﺮﻑ ﺍﻟﻨﺎﺱ ﻋﻠﻰ ﺍﻟﻔﻴﺴﺒﻮﻙ ﻭﺗﻮﻳﺘﺮ ﺑﺤﻜﺎﻳﺎﺕ ﻓﻲ ﻏﺎﻳﺔ ﺍﻟﻘﺮﻑ ﻭﺍﻟﺴﻔﺎﻟﺔ، ﻣﺎﻫﻪ ﺇﺣﻨﺎ ﻣﺶ ﻫﺎﻧﺸﻴﻞ ﺍﻟﻬﻢ ﻟﻮﺣﺪﻧﺎ ﺑﺄﻩ. ﺷﻜﺮﺍً ﻟﺴﻌﺔ ﺻﺪﻭﺭﻛﻢ ﻭ ﺣﻔﻈﻬﺎ ﺍﻟﻠﻪ ﻣﻦ ﺍﻻﻳﺎﺩﻱ ﺍﻟﻄﻮﻳﻠﺔ.

#ﻫﻞ_ﺗﻌﻠﻢ ﺍﻥ ﻏﺎﻟﺒﺎ ﺍﻱ ﺭﺍﺟﻞ ﻃﻮﻳﻞ ﻋﺮﻳﺾ ﻳﺸﻮﻑ ﺑﻨﺖ ﺑﺘﺘﻤﺴﻚ ﻣﻦ ﺃﻱ ﻣﻜﺎﻥ ﻓﻲ ﺟﺴﻤﻬﺎ ﺑﻴﺘﻔﺮّﺝ ﻭ ﻣﺎﺑﻴﺤﺎﻭﻟﺶ ﺣﺘﻰ ﻳﻘﻮﻝ ﻛﻠﻤﺔ ﻟﻠﻤُﺘﺤﺮّﺵ؟
#ﻫﻞ_ﺗﻌﻠﻢ ﺍﻥ ﺍﻟﺒﻨﺖ ﻣﻤﻜﻦ ﺟﺪﺍً ﻭﻫﻲ ﻣﺎﺷﻴﻪ ﻓﻲ ﺍﻟﺸﺎﺭﻉ ﺗﺴﻤﻊ ﺍﻱ ﻋﺒﺎﺭﺓ ﻋﻦ ﺍﻱ ﺗﻔﺎﺻﻴﻞ ﻓﻲ ﺟﺴﻤﻬﺎ ﻭ ﺣﺘﻰ ﻋﻦ ﺃﻋﻀﺎﺋﻬﺎ ال ....
#هل_تعلم ان ممكن جداً واحدة (منقبة) تبقى واقفه في اوتوبيس و فجأه يتم التحرش بيها جسدياً و بكل الطرق الممكنة؟ و #هل_تعلم ان ماحدش بيتحرّك غالباً؟
#هل_تعلم انه من الغريب ان البنت تخرج وتروّح بيتها من غير ماتسمع كلمتين تلاتة عن اراء المواطنين في صدرها؟ وبكل الألفاظ الممكنة؟
#هل_تعلم ان لو لبس البنت مش عاجب سيادته بيعتبر التحرّش بيها حق مكتسب له؟ والغريب هو ان الناس تحاول تمنعه؟
#هل_تعلم ان في واحد غبي على تويتر بيسألني دلوقتي انتي واثقة من الكلام ده؟ و عرفتي منين؟
#هل_تعلم ان سواق الميكروباص مرة طلع نص جسمه من الشباك و شتم البنت كل الشتايم الأبيحة هي و أهلها عشان زرارين الشيميز بتاعها مفتوحين؟ ولما اتخانقت معاه شتمني وكان هايضربني و الرجاله اللي في الميكروباص مانطقوش؟
#هل_تعلم ان مرة واحد على سلّم المترو كان نازل جنبي بيقولي أقذر الألفاظ ولما شتمته كان هايضربني و اتلموا الناس يلوموني انا عشان صوتي عالي؟
#هل_تعلم ان في خان الخليلي شباب بيعاكسوا 24 ساعة بمنتهى قلة الادب ولو اتخانقت معاه هايبجّح و يقل ادبه اكتر ؟؟ عن تجربة
#هل_تعلم ان مافيش اي فرق بين قذارة المتحرشين مع المحجبة و قذارة المتحرشين مع الغير محجبة؟ وماينفعش حد يفتي في ده غير بنت جربت الحالتين.
#هل_تعلم ان ممكن جداً كل فترة تقابل واحد في الشارع قرر يفتح بنطلونه ويفرّج البنات على عضوه الذكري بالعافية؟
#هل_تعلم ان مافيش بنت فاتها أي لفظ أبيح في شوارع مصر؟؟؟ كلنا بنسمع كل الكلام اللي ممكن أي حد يتخيله؟؟؟ وبنحمد ربنا انها جت على قد الكلام ومامدّش ايده؟؟؟
#هل_تعلم ان لو بنت مشيت في الفجالة هاتتعاكس بمعدّل كلمة مش محترمة كل 3 ثواني؟ و #هل_تعلم ان حصل مشكلة كبيرة بسبب كده من اسبوعين لإن اصحاب المحلات هرّبوا المتحرش اللي ضرب البنت لما شتمته؟
#هل_تعلم ان في واحد تاني على تويتر بيقولي مدام البنت لابسه محزّق يبقى التحرش عمل ايجابي؟
#هل_تعلم ان بعد عملية التحرّش بتفضل البنت متوترة و اطرافها ساقعة وفاقده القدرة على الكلام لمدة تعتمد على طريقة التحرش؟
#هل_تعلم ان أكتر من نص المُتحرش بهم بيتكسفوا يحكوا لأهلهم من كتر البشاعة؟ يعني لو حد قالك ترضاها لاختك وقلت اختي بتلبس محترم، لا يا بأف اختك بتتعجن بس انت اللي ماتعرفش.
#هل_تعلم ان في انسان على تويترا تعليقاً على موضوع خان الخليلي بيقولي: يبقى انتي عايزة كده ليه بتروحي هناك وانتي عارفة؟
#هل_تعلم ان اي بنت هاتقف في الشارع مستنية تركب او مستنية حد ، عادي جداً يعدي عليها عربيات تفتحلها الباب و البأف اللي جوة يدعوها للدخول؟ على اعتبار انها اكيد عاهرة الى ان يثبُت العكس؟ خصوصا في شارع خاتم المرسلين هرم
#هل_تعلم ان لما صديق حكالي على جرأة حرامي في سرقة الموبايلات في المترو جاتلي هيسترية ضحك؟ باعتباري مُت موتات احسن من دي بكتيييييييير !!! مستغرب من جرأته في سرقة موبايل. مش في سرقة قفشة!
#هل_تعلم ان تلت تربع رجالة تويتر منقسمين لنص شايفني ببالغ خصوصا على التحرش بالمحجبات ونص شايف ان البنت هي اللي غلطانة بسبب لبسها؟ وواحد عايز يوصفلي احساس الراجل لما بيشوف لبس ضيق
#هل_تعلم ان رداً على كلامي عن التحرش بستقبل بعض التحرشات على تويتر والفيسبوك حالاً؟
#هل_تعلم اني في ظل تلك الظروف العصيبة كل الذكور اللي قابلتهم في حياتي في اي مكان و في اي ظروف قالولي نفس الجملة؟ : انا عمري ما عاكست بنت
#هل_تعلم ان بسبب صديقنا المتحرّش مكن بنات ماتخرجش من بيوتها اساساً و مايمارسوش حياتهم بصورة طبيعية؟
#هل_تعلم ان صديقتي مابتلبسش غير اللون الاسود بسبب التحرش ويوم ماتلوّن بيبقى يوم اسود عليها؟ مأتم إجباري
#هل_تعلم ان البنات ممكن تحكي حكايات التحرش دي للأبد ومش هايخلّصوا؟
#هل_تعلم ان الملايين من الشباب اللي بيتحرّشوا بالبنات دول هم نفس الناس اللي دخلت فيلم شارع الهرم هم هم اللي انتخبوا الحرية والعدالة؟
#هل_تعلم ان ربنا طلب منك تغض البصر؟ #هل_تعلم ؟ سؤال لمرضى تويتر
#هل_تعلم ان صديقتي اللي معاها اليكتريك في شنطتها سوّاق التاكسي اعجب بيها وقرر يخطفها في عز الضهر ووسط البشر والزحمة و ماسابهاش غير لما ضربته؟
#هل_تعلم ان في حد بيرد على موضوع ربنا قال غض البصر و بيقول، ماهه طلب من البنت برضه الاحتشام قولي الحقيقة كاملة؟ طيب اولاً التحرش بيطول كل انواع الملابس ثانيا وده الأهم، وانت مالك هي مابتسمعش كلام ربنا انت رايح تجيبله حقه يعني؟
#هل_تعلم ان التحرش الجنسي وصل كمان لمرحلة ان في بنات بتتحرش بالولاد؟ الحق يقال يعني.
#هل_تعلم ان في واحد على تويتر رده على موضوع الألفاظ السافلة في الشارع ان البنات كمان على تويتر بأوا بيشتموا براحتهم؟
#هل_تعلم ان لمسة إنسان لجسم فتاة مايعرفهاش بدون إرادتها بقت مسألة وجهة نظر؟
#هل_تعلم ان أول حادثة تحرّش كبيرة حصلتلي ومش هاقدر انساها ابداً كان معايا اتنين صاحباتي وكنّا في رابعة ابتدائي؟
#هل_تعلم اني اتعلمت الشتيمة على ايد المتحرشين؟
#هل_تعلم ان انا نفسي يبقى عندي اليكتريك؟ و اي سلاح ادافع بيه عن نفسي؟
#هل_تعلم ان أي حظيرة حيوانات فعلاً أكثر تحضراً من شوارع مصر المحروسة؟
#هل_تعلم انه راجل عنده 60 سنة ودقنه قد كده و بيفصص جسمها حتة حتة بمنتهى الوقاحة و بعدين يبصلها بقرف ويبص الناحية التانية؟
بطنكوا وجعتكوا؟ معلش، #هل_تعلم ان عادي جداً ان المتحرّش يضرب البنت من ورا في وسط الشارع متخذاً في ذلك تامر حسني قدوة و يضحك و يجري ولا كإنه عمل حاجة؟
#هل_تعلم ان ده اكتر يوم رجالة تويتر قلوا ادبهم عليا فيه؟ فعلاً الحقيقة بتوجع وكل واحد باين عليه جداً هو انهي نوع من البشر
#هل_تعلم ان انا مش ناوية اسكت؟ دوّر انت على حل انا مش عارفة اعمل غير اني ارغي
#هل_تعلم ان جملة التحرير وحش عشان فيه تحرش دي أكتر جملة كوميدية في الدنيا؟؟؟؟
#هل_تعلم اني في مرة من المرات بطرد الرجالة من عربية السيدات و عشان يغيظني نزل من الباب اللي انا واقفه عنده مع ان الباقي مفتوحين لمجرد انه يزنق نفسه فيا وهو نازل و يجري؟
#هل_تعلم ان المعاكسة الرقيقه اللي هي كلمة بسيطة حلوة وخلاص بقت رفاهية دلوقتي وانقرضت اساسا؟ واحدة صاحبتي فرحت جدا عشان واحد قالها شعرك زي موج البحر Smile
#هل_تعلم ان رمسيس مكان مرعب ليا لإن اكيد اكيد هاتعرض للمعاكسة والتحرش هناك؟
#هل_تعلم انها مش محروسة ولا اللي فيها آمنين ولا اي حاجة من الأحلام دي من سنين طويلة؟
هو انت كنت فاكر الأمن مستتب؟ طب #هل_تعلم ان مرة واحد راكب موتوسيكل وقف قدامنا زماااان عند المدرسة واحنا بنات في اعدادي وفتح زراير القميص ولقيناه لابس تحته براه وبيضحكلنا ويشاورلنا واتفزعنا؟
#هل_تعلم ان التحرش الجنسي ده بيعتبر اغتصاب علني للبنت؟ عارف اختك اغتصبوها كام مرة؟
#هل_تعلم ان كل مابيعدي جنبي ولد في الشارع ايدي بتتحوّل لوضعية البوكس أوتوماتيك وضربات قلبي بتزيد؟
#هل_تعلم ان سن المتحرش بيكون 12 سنة فيما فوق؟
#هل_تعلم ان التحرش في الشارع و الجامعة والفيسبوك و تويتر و التليفون و الموبايل؟
#هل_تعلم ان انا ماعنديش حل للمشكلة دي؟ ماحدش يسألني تاني بأه !!! ماهه لو عندي حل ماكنتش قرفتكوا كده
#هل_تعلم ان كلهم في الشارع بقوا بالنسبالي شبه بعض؟
#هل_تعلم ان كونك متحرش وحيوان ده بيفقدني أنا جُزء من إنسانيتي؟؟ انا ممكن أعمل مصيبة بسببك!
#هل_تعلم ان الكلام في الموضوع ده مكانش فكرتي؟ انا قررت كده لما لقيت اتنين من صاحباتي بالصدفة البحتة قدامي عالتايم لاين بيتكلموا عن التحرش وواحدة منهم في حالة انهيار؟

حاجة مش سهلة ان بنت تعتقد انها بتفضح نفسها لما بتقول حصلى كذا وكذا على ايد ابن ال(...) الحيوان دهعلشان كدا كلنا قررنا اننا فى حملة قطع ايدك لا للتحرش الجنسى

قطع ايدك

وفى النهاية احب اقول لكل اللى بيتحرش ببنات الناس
نفسى تفكر هتعمل ايه لو انت بتتحرش بواحدة فى الشارع وقدام عينك بالصدفة اختك حد اتحرش بيها فى نفس اللحظة
هتعمل ايه .... هتسكت تبقى مش راجل ... هتقول لبس البت استفزك برضه هتبقى مش راجل لانك سيبت اختك ت
نزل الشارع بلبس يستفز غيرك
عارفك هتلطخ وتقول الحمد لله ماعنديش اخوات بنات ولو قلتلك امك حد من قريبك برضه هيبقى ردك لطخ وعلشان افوقك هصدمك ان فى شباب بتحب تتحرش بالشباب برضه فخلى بالك على نفسك يا أمور الخلاصة( كما تدين تدان).

للمساهمة فى الحملة اليكم بعض صور الجرافيتى الخاصة بالحملة
كل اللى عليك اطبع الصورة فرغها ورشها على اى حائط يقابلك عرف الناس بالقضية


























سبحان الله ... الحمد للــــه ... لاإلــــــــه إلا الله ....الله أكــــبر




قسم الشكاوى والاقتراحات


رب اغفر لى ولوالدى والمسلمين
avatar
ahmed fathy
Admin
Admin

عدد المساهمات : 135
نقاط : 425
تاريخ التسجيل : 21/10/2011
العمر : 27
الموقع : www.africa.clubme.net

معاينة صفحة البيانات الشخصي للعضو http://www.africa.clubme.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى